Македонскиот фудбалски репрезентативец Иван Тричковски поради повреда на задната ложа не е во комбинација за настап против Полска.
Нашата најдобра селекција утре од 20:45 часот во Варшава го игра квалификацискиот натпревар против лидерот во групата, репрезентацијата на Полска.
Иван Тричковски, по завршувањето на вчерашниот тренинг се пожали на повреда, а резултатите од лекарските испитувања потврдија дека се работи за истегнување на мускулот на задната ложа.
Поради повреда натпреварот со Полска, а претходно и против Словенија го пропуштаат и Енис Барди и Дарко Велковски.
