Вјоса Османи ќе биде кандидат за премиер на новата косовска влада од редовите на највлијателниот опозициски Демократски сојуз на Косово, чиј лидер е Иса Мустафа, пишува приштинскиот весник „Газета Експрес”.
Вјоса е прва жена кандидат за премиер на Косово, а ДСК таква одлука донесе денеска.
Таа и на изборите во 2017 година беше меѓу кандидатите со најголем број гласови за премиер – 65.000.
ДСК водеше повеќенеделни разговори со Движењето Самоопределување за формирање предизборна коалиција, но проблем беше тоа што ДСК барал свој претставник за кандидат за премиер, а Самоопределување сакал тоа да биде нивниот лидер Албин Курти.
