Македонскиот фудбалски репрезентативец Иван Тричковски ја продолжи гол-серијата на мечевите од квалификациските кола во Лига Европа. Откако во минатата рунда му даде четири гола на Левски во Софија, петтиот го постигна против белгиски Гент со кој кипарскиот АЕК Ларнака избегна пораз пред своите гледачи (1:1) и остана во игра да се надева дека по реваншот може да стаса до пласман во плеј-офот. Тричковски погоди во 88 минута со прецизен удар со глава.
-Создадовме многу шанси, но немавме среќа. Заслуживме да израмниме. На полувремето во соблекувалната си поставивме за цел дека мора да дадеме гол за да си ги зголемиме шансите за пласман понатаму. Целта ја постигнавме. Израмнувачкиот погодок ни влева самодоверба дека можеме да стигнеме до плејофот. Веруваме дека на реваншот може да дадеме гол(ови) и да одиме понатаму. Гент е силен тим, но ние не се предаваме, порача Тричковски по натпреварот.
Повеќето од фаворитите забележаа сигурни победи што им гарантира мирен реванш во 3. квалификациско коло од Лига Европа. Торино го совлада Шахтјор (Солигорск) со 5:0. Со истиот резултат, Ајнтрахт (Франкфурт) триумфираше против Вадуз како гостин. Еспањол беше малку поскромен и победи со 3:0 против Луцерн. Феенорд го совлада Динамо (Тбилиси) со 4:0 …
Сите резултати од 3.коло од Лигата на Европа:
Астана (Казахстан) – Ла Валета (Малта) 5:1
АЕК Ларнака (Кипар) – Гент (Белгија) 1:1
Пјуник (Ерменија) – Вулверхемптон (Англија) 0:4
Спарта Прага (Чешка) – Трабзонспор (Турција) 2:2
Универзитатеа Крајова (Романија) – АЕК Атина (Грција) 0:2
Брондби (Данска) – Брага (Португалија) 2:4
Вентспилс (Латвија) - Виторија Гимараеш (Португалија) 0:3
Тун (Швајцарија) – Спартак Москва (Русија) 2:3
Молде (Норвешка) – Арис Солун (Грција) 3:0
Малме (Шведска) – Зрињски Мостар (Босна и Херцеговина) 3:0
Шериф (Молдавија) - АИК (Шведска) 1:2
Мариупол (Украина) – АЗ Алкмар (Холандија) 0:0
Нефтчи (Баку, Азербејџан) – Бнеи Јехуда (Израел) 2:2
Хаугсун (Норвешка) – ПСВ Ајндховен (Холандија) 0:1
Лудогорец (Бугарија) – Њу Сеинтс (Велс) 5:0
Феенорд (Холандија) – Динамо Тбилиси (Грузија) 4:0
ЦСКА Софија (Бугарија) – Зарја Луганск (Украина) 1:1
Антверпен (Белгија) – Викторија Плзен (Чешка) 1:0
Локомотив Пловдив (Бугарија) – Стразбур (Франција) 0:1
Макаби Тел Авив (Израел) – Судува (Литванија) 1:2
ФК Сараево (Босна и Херцеговина) – БАТЕ Борисов (Белорусија) 1:2
Дуделанж (Луксембург) – Номе Калју (Естонија) 3:1
Митјиланд (Данска) – Глазгов Ренџерс (Шкотска) 2:4
Ријека (Хрватска) – Абердин (Шкотска) 2:0
Норчепинг (Шведска) – Апоел Бер Шева (Израел) 1:1
Вадуз (Лихтенштајн) – Ајнтрахт Франкфурт (Германија) 0:5
Австрија Виена (Австрија) – Аполон Лимасол (Кипар) 1:2
ФКСБ (Романија) – Млада Болеслав (Чешка) 0:0
Торино (Италија) – Шахтјор Солигорск (Белорусија) 5:0
Луцерн (Швајцарија) – Еспањол (Шпанија) 0:3
Легија Варшава (Полска) – Атромитос (Грција) 0:0
Партизан Белград (Србија) – Малатијаспор (Турција) 3:1
во среда:
Слован Братислава (Словачка) – Дандалк (Република Ирска) 1:0
во вторник:
Арарат (Ерменија) – Сабуртало (Грузија) 1:2
ФК Рига (Латвија) - ХИК Хелсинки (Финска) 1:1
Сутјеска (Црна Гора) – Линфилд (Северна Ирска) 1: 2.
