Денеска со почеток од 09,00 часот поради одбележувањето на „Илинден“, Одделението за безбедност на патниот сообраќај при СВР Скопје ќе превземе мерки за посебен режим на сообраќајот при што за сообраќај ќе биде затворен потегот од крстосницата помеѓу улицата „11-ти Октомври“ и булеварот „Кочо Рацин“ до крстосницата помеѓу улицата „Даме Груев“, улицата „Васил Главинов“ и улицата „Димитрија Чуповски“ и од крстосницата помеѓу улицата „Даме Груев“, улицата „Македонија“, улицата „Филип Втори Македонски“ до улицата „Кеј 13-ти Ноември“.
Исто така утре (02.08.) во времето од 05,00 до 14,00 часот на улицата „Беласица“ и од 14,00 до 18,00 часот на улицата „Самоилова“ (виадукт кај стоковна куќа Мост) во Скопје, во организација на Друштво за филмска продукција „Фокус Покус Филмс“ од Скопје, ќе се снима филм, поради што Одделението за безбедност на патниот сообраќај при СВР Скопје ќе превземе мерки за посебен режим на сообраќајот, а сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните.
Поради државниот празник Илинден, утре автобусите од јавното сообраќајно претпријатие во Скопје ќе се обраќаат според вообичаениот неделен возен ред. Празнично за да бидат услужени граѓаните на располагање ќе бидат три билетарници на ЈСП и тоа Транспортен центар и Зелен пазар од 7 до 19.30 часот, а Ѓорче Петров од 7 до 13 часот, соопштија од ЈСП Скопје.
