Романскиот дипломат Корнел Феруца времено ја презема функцијата шеф на Меѓународната агенција за атомска енергија (МААЕ), додека членките не изберат наследник на починатиот генерален секретар Јукија Амано.
МААЕ во понеделникот соопштија дека Амано починал. Со тоа во агенцијата има лидерски вакуум во момент на тензии меѓу Иран и Западот по одлуката на САД да се повлечат од нуклеарниот договор со Техеран.
Во МААЕ се 35 земји членки. Кандидатот за шеф треба да биде одобрен на конференција што ќе се одржи на 16-20 септември.
Според западни медиуми, двајцата најверојатни кандидати се аргентинскиот пратеник во МААЕ Рафаел Гроси и Романецот Феруца, кој сега е главен координатор на Агенцијата.
