Претседателските избори во Тунис ќе се одржат на 15 септември, соопшти вечерва Независната изборна комисија.
Комисијата го објави соопштението по веста дека денеска почина претседателот Бежи Каид Есебси.
Есебси претходно беше примен во болница, третпат во последните неколку недели, јавија локалните медиуми.
Тој беше првиот демократски избран претседател на Тунис во 2014 година, по „арапската пролет”.
