Американската војска соопшти дека распоредила 12 Ф-22 стелт авиони ловци во Персискиот залив, во Катар.
Овие авиони се дел од зајакнувањето на военото присуство што го побара Американската централна команда во мај како одговор на зголемените ирански закани за американските сили во тој регион.
Авионите Ф-22 Раптор почнаа да пристигнуваат оваа недела во воздухопловната база Ал-Удеид, која е клучна за американските воздушни операции на Блискиот Исток.
Во таа база има и четири бомбардери Б-52, кои се распоредени таму во мај, заедно со носачот на авиони „Абрахам Линколн”.
На барање на генералот Френк Мекензи, командант на Централната команда, во регионот на Заливот изминатите недели беа упатени и дополнителни одбранбени ракетни системи „Патриот”.
