Српската престолнина Белград последниве неколку дена е под инвазија на диви свињи кои побегнале од Големиот воен остров поради надојдената вода, пренесуваат локалните медиуми.
Според податоците, овие диви животни најпрво се упатиле кон Нов Белград и Земун, а сега се движат и низ централното подрачје на градот.
На Земунскиот кеј синоќа биле фатени три диви свињи од страна на ловечките друштва „Земун“ и „Ветерина Београд“, со што вкупната бројка се искачи на шест заловени животни во последниве неколку дена.
Медиумите, исто така, објавија дека една дива свиња настрадала во центарот на Белград.
Имено, откако таа рано утрово влегла во јавна гаража, работниците од паркинг службата се обиделе да ја избркаат, при што животното скокнало преку ограда на шестиот кат и угинало.
Една дива свиња денеска била забележана и на Калемегдан како се обидува да се искачи на бедемите.
Управата за шуми ги предупреди жителите на Белград на потенцијална опасност од диви свињи, кои се присутни во некои делови на општините Земун и Нов Белград.
Cаjbeр Vanderласт@CyberWanderlust
