Стефанос Циципас стана првиот Грк по 83 години, кој се пласираше во осминафиналето на „Ролан Гарос”, откако триумфираше со 7: 5, 6: 3, 6: 7 (5), 7: 6 (6) против Филип Краиновиќ.
Грчкиот тенисер, шести во шемата, вчера ги доби првите два сета, но потоа натпреварот беше прекинат при 5:5 во третиот поради мрак на теренот. Денес, меѓутоа неговиот српски ривал покажа дека не се откажал од борбата за пласман во следната рунда.
Краќновиќ врати еден сет и стигна до тајбрејк во четвртиот дел. Таму сепак дојде до меч топка за Циципас и Гркот ја искористи шансата.
Сега 20-годишниот Стефанос го очекува победникот од натпреварот помеѓу Григор Димитров и Стен Вавринка, за да го дознае името на противникот за пласман во четвртфиналето.
