Стапката на невработеност во САД падна на 3,6 отсто во април, што е најниско ниво од декември 1969 година, соопшти американското Министерство за труд.
Бројот на работни места е зголемен за 263 илјади, што е далеку над очекувањата на аналитичарите од 200 илјади, покажуваат официјалните податоци.
Зголемувањето на бројот на работните места покажува дека работодавците повеќе не се загрижени дека економијата би можела да забави оваа година.
