Две тинејџерки во Италија влетале на фотографија пред конзервативниот италијански министер за внатрешни работи, Матео Салвини, и се бакнале, а фотографијата стана вирална на социјалните мрежи.
Салвини, кој е и лидер на крајната десна партија Лига, учествувал на митинг на Светскиот конгрес на семејства, на екстремно десни клерикални организации, кои се залагаат за укинување на правата на жените и борба против правата на ЛГБТ-лицата.
https://www.instagram.com/p/BwsWs5xl2le/?utm_source=ig_embed
Знаејќи го тоа, двете млади девојки го замолиле Салвини да се фотографираат, по што се бакнале во моментот кога светнал фотоапаратот. Нивниот бакнеж станал хит на социјалните мрежи, а илјадници луѓе ја споделиле фотографијата откако е објавена минатата недела.
На фотографијата Салвини се смее не знаејќи што се случува зад него. Обезбедувањето веднаш ги одвоило девојките од политичарот, но моментот веќе бил „фатен“. Покрај фотографијата, тинејџерките напишале: „Здраво пријатели, многу љубов со Матео Салвини“.
https://www.instagram.com/p/Bwu9wseBUBk/?utm_source=ig_embed
И Салвини заедно со своите 1,4 милиони фанови на „Инстаграм“ ја споделил фотографијата на која напишал: „Поздрав, мир и добро, сестри“.
