СДСМ преку соопштение вели дека за само три дена од почетокот на кампањата за претседателските избори, кандидатката Гордана Силјановска, три пати ги излажала граѓаните.
„Силјановска лаже дека е натпартиски кандидат, а всушност е кандидатката на ВМРО-ДПМНЕ. Не може ниту штаб да отвори без присуство на Мицкоски чиј што кандидат е. Силјановска лаже дека е за правда, а брани криминалци и насилсници. Дури и слоганот и лажен и лицемерен. Лаже Силјановска дека не го признава и нема да го користи уставното име на државата, а официјален документ покажува дека е потпишана на кандидатура за претседател на Република Северна Македонија“, велат од СДСМ.
Владејачката партија додава дека е неприфатливо, претседателски кандидат да ги лаже, да ги манипулира гласачите, да говори едно, а да прави друго. Затоа, заклучува СДСМ, на изборите, граѓаните нема да дозволат лицемери и партиски послушници да застанат на чело на државата.
