Странските лидери го опсипаа американскиот претседател Доналд Трамп и неговото семејство со повеќе од 140.000 долари во подароци за време на првата година помината во Белата куќа. Меѓу оние, кои му врачија најскапи подароци се Кина и Саудиска Арабија.
Според годишните пресметки на сметководство на Стејт департментот, кинескиот претседател Си Џинпинг им подарил на Трамп и на првата дама Меланија два од најскапите подароци во 2017 година: украсена шифрирана калиграфија и кутија во вредност од 14.400 долари, како и сет од порцелански садови, со печатена розова куќа на Трамп во одморалиштето Мар-а-Лаго, вреден 16.250 долари.
Саудиските и заливските држави дадоа најмалку 24.120 долари во подароци.
Меѓу нив беше ѓердан од 6.400 долари со рубин и смарагди од кралот Салман од Саудиска Арабија, позлатен модел на борбен авион од 4.850 долари од престолонаследникот на Бахреин, бронзена статуа со три антилопи од престолонаследникот на Абу Даби во вредност од 3.700 долари, кувајтски ковани монети во вредност од 1.610 долари од кувајтскиот емир и кралски парфем во торбица од кожа на влекач, вреден 1.260 долари од вицепремиерот на Оман.
И други високи претставници од Блискиот Исток не се штеделе кога станува збор за подароци за семејството Трамп, покажа листата со 64 страници, која ја состави Канцеларијата за протокол на Стејт департментот и ќе биде објавена во Федералниот регистар.
Семејството Трамп добило персонализирана книга со пслами во вредност од 4.500 долари од рабин задолжен за ѕид во Ерусалим, златен и дијамантски ѓердан и сличен приврзок од црквата Светиот гроб во вредност од 5.800 долари и бисерна сцена со јасли вредна 4.200 долари од грчкиот православен патријарх во Ерусалим.
Дури и палестинскиот лидер Махмуд Абас, пред администрацијата на Трамп да започне серија потези кои ги заладија односите на САД со Палестинците, бил великодушен.
Тој на Трамп и на првата дама им дал копија од сцената јасли во неовизантиски стил, портрет на Меланија Трамп и фотографија, со вкупна вредност од 6.770 долари.
Меѓу лидерите, кои му врачиле вредни подароци на Трамп биле и германската канцеларка Ангела Меркел, која му подарила пенкала и хартија во вредност од 5.264 американски долари, францускиот претседател Емануел Макрон, кој му подарил карта на САД од 1.783 година вредна 1.100 американски долари и канадскиот премиер Џастин Трудо кој подари статуа на лав со круна во вредност од 450 долари.
Некои подароци беа избрани за да го привлечат вниманието на претседателското его.
Меѓу нив е и портрет на Трамп пред американското знаме од премиерот на Виетнам во вредност од 1.380 долари и фото албум насловен како „Претседател Доналд Џ. Трамп во Њујорк” од полскиот претседател, кој содржи црно-бели фотографии на претседателот и повеќебојна фотографија на кулата на Трамп од 850 долари.
Странските лидери и подаруваа на првата дама на САД Меланија облека, уметнички предмети, накит и модни додатоци.
Сопругата на јапонскиот премиер ѝ подари обетки со дијаманти и бисери на Микимото од 2.200 долари и златна и акрилна слика од 3.000 долари, додека италијанскиот премиер ѝ подари торба Ферагамо вредна 3.400 долари.
Белгискиот премиер и неговиот партнер и подарија на Меланија Трамп две торби од дизајнерот Делуј во вредност од 1.020 и 2.273 долари, додека Иванка Трамп ја прими и чантата на Делвo во вредност од 1.023 долари.
