Белгискиот муслиман Мохтар Амари признал дека ја убил својата сопруга откако таа во повеќе наврати го критикувала затоа што продавал свинско месо, пренесува белгиски „Судинфо“.
Убиството се случило ноќта помеѓу 10 и 11 февруари, по жестоката расправија помеѓу Амарти и неговата 48-годишна сопруга Фатима Кајер.
Моктар тврди дека за време на кавгата, Фатима го прекорувала затоа што продавал производи од свинско месо во неговата продавница и дека конфликтот ескалирал до тој степен што извадил нож и ја избодел до смрт.
По убиството на 48-годишната мајка на неговите деца, Амари се обидел да се самоубие со пиење каустична сода.
Паскал Родејн, адвокатот на Амари, тврди дека сопруга на неговиот клиент во изминатиот период во повеќе наврати го прекорувала и дека односот меѓу нив се влошил откако таа го обвинила дека не е доволно добар муслиман, што доведело до кавгата и убиството.
