Портпаролката на полицијата, Антонела Лолиќ, изјавила дека по уште две лица се трага и дека јавноста ќе биде информирана за понатамошниот тек на истрагата.
Хрватските медиуми пишуваат дека хулиганите со палки, метални шипки и ножеви ги нападнале спортистите додека седеле во кафуле на кејот во Сплит. Најпрвин побарале од нив да ги соблечат маиците со обележја на „Црвена ѕвезда“, а потоа физички и вербално ги нападнале. Едниот од ватерполистите, Александро Краљ, за да се спаси скокнал во морето. Тој се здобил со полесни повреди на главата.
Според изјави на очевидци Краљ извикувал: „Јас сум од Котор, Црногорец сум, не сум Србин“.
Србија најави дека ќе ѝ врачи протестна нота на Хрватска поради инцидентот.
