Повеќе од 16.000 црвени риби ќе бидат пуштени во југозападните води на Флорида, почнувајќи од вторник, во обид да закрепнат илјадниците животни што ги погоди црвената плима, соопшти Здружението за крајбрежна презервација на Флорида.
Повеќе од 2.000 тони морски диви животни угинаа поради „алгата на црвената плима”, задушувајќи го брегот на заливот на Флорида минатата година. Црвената плима содржи токсини ослободени од мртвите алги. Токсините се распространуваат преку ветрот и водата и се смртоносни за дивиот морски свет, вклучувајќи ги и рибите. Црвената плима може да предизвика иритација на кожата на луѓето и да доведе до респираторни проблеми, особено кај луѓе што страдаат од астма.
Здружението за крајбрежна презервација заедно со Дјук енерџи и Комисијата за презервација на рибниот и дивиот свет на Флорида ќе ослободи повеќе од илјада риби преку пет земји низ југозападниот брег што е проценет за безбеден, објави здружението во медиумите.
Дјук енерџи ги донираше црвените риби за да помогне во зачувувањето на природната средина на Флорида, изјави портпаролката на Ен-Ен.
До крајот на 2018 година, државата потроши повеќе од 8 милиони долари на трошоци за расчистување, а компаниите што зависат од туризмот изгубија десетици милиони долари поради цутењето на црвените алги.
