„Би било многу тажно кога говорот за состојбата на нацијата не би се одржал навреме и уште поважно, на вистинското место“, навел Трамп во писмото чија содржина ја објави од Белата куќа, пренесува агенцијата „Ројтерс“.
Ненси Пелоси претходно побара од Трамп да размисли за одложувањето на својот говор пред Конгресот, а како причина за тоа ги наведе потенцијалните безбедносни проблеми поради делумната блокада на работата на владата.
Претседателот според Уставот е должен до Конгресот да поднесе годишен извештај за состојбата во државата, појаснува агенцијата.
