Во рамки на квадритералната регионална соработка, в сабота во Белград ќе се одржи средба на претседателот на Србија, Александар Вучиќ со премиерите на Бугарија, Бојко Борисов, на Грција, Алексис Ципрас и на Романија, Виорика Данчила, соопшти од кабинетот на шефот на српската држава.
Фокус на средбите од овој тип досега беше ставан на регионалните проекти за меѓусебното поврзување, со акцент на инфраструктурното и гасно поврзување, зачленувањето на Србија во ЕУ и европските перспективи на целиот регион.
Како што јави дописникот на МИА од Белград, ова ќе биде шеста средба на лидерите на Бугарија, Грција, Романија и Србија.
Грчкиот премиер Ципрас ден пред тоа, в петок ќе престојува во оицијална посета на Белград, при што ќе има средба со Вучиќ, по што ќе се одржи и втората седница на Високиот совет за соработка меѓу Србија и Грција.
