Белгискиот министер за миграција, Тео Франкен, рече дека не сака да биде дел од пактот на Обединетите Нации за безбедна и уредна миграција.
Меѓународната спогодба ја доведе владата на Белгија на работ на колапс. Франкен во четвртокот изјави дека неговата десничарска партија партија Н-ВА не сака никаква врска со тоа”, објави Асошиетед Прес.
Министерот рече дека договорот е премногу промигрантски, додавајќи дека нема елементи што треба да ги успокојат европските граѓани.
Австрија, Бугарија, Унгарија, Израел, Полска, Швајцарија и Австралија се меѓу земјите кои ја повлекоа поддршката за договорот кој треба да биде формално одобрен во Маракеш, Мароко, на 10-11 декември.