Шпанија денеска соопшти дека во договорот за брегзит мора јасно да се стави до знаење дека Мадрид ќе го има последниот збор за тоа како идните односи меѓу ЕУ и Велика Британија ќе влијаат на Гибралтар, британска прекуморска територија сместена на најјужната точка од Пиринејскиот Полуостров.
Шпанските власти меѓудругото посочија и дека во однос на ова прашање мора да има билатерални разговори.
„Јасно е, и Владата е решена дека мора да биде апсолутно загарантирано дека било кој договор помеѓу Европската унија и Велика Британија ќе бара претходна согласност од Шпанија во однос на Гибралтар”, изјави Изабела Села, портпаролка на шпанската Влада.