Денес претпладне товарно возило удри во пешак кој поминувал улица во центарот на Делчево. Според информациите на Марија Глигорова, директор на Здраствениот дом Делчево, на пешакот неколку минути по повредата му е укажана помош од страна на Итната медицинска помош.
– Кај повредениот е констатиран удар во пределот на главата при што веднаш му е дадена соодветна терапија и лицето со возило е префрлено во Клиничка болница Штип, рече Глигоровска.
Повредениот е на возраст од над 60 години, додека според очевидци возачот бил на возраст од околу 30 години.
На местото на настанот излегла и екипа на Полициското одделение од општа надлежност – Делчево кои детали за случајот најавија во текот на денешниот ден.
