Рочишта за предметите на СЈО „Титаник 2“ и „Тревник“ треба да се одржат денеска во Кривичниот суд во Скопје.
На претходното рочиште за случајот „Титаник 2“ беа испрашувани поранешните членови на Државната изборна комисија (ДИК), Виолета Дума и Субхи Јакупи.
Во „Титаник 2“, случај кој се однесува на изборни нерегуларности на локалните избори во 2013. година, обвинети се лидерот на ДПА, Мендух Тачи, поранешниот директор на УБК, Сашо Мијалков, како и поранешните членови на ДИК, Бедредин Ибраими, Анета Стефановска, Влатко Сајковски и Сашо Срцев.
Во случајот „Тревник“ обвинети се новинарот Драган Павловиќ – Латас и неговите браќа за бесправна градба на три викенд-куќи во Зелениково.
Според Специјалното јавно обвинителство, обвинетите изградиле три викенд-куќи во општина Зелениково без да имаат право на ваква градба.
