Мицкоски може да биде сменет на вонреден конгрес, Јанчев да биде идниот претседател
Членови на ВМРО-ДПМНЕ веруваат дека е возможно наскоро да се одржи вонреден конгрес на партијата, на кој ќе дојде до промена на партискиот лидер.
Според поранешниот претседател на ОК ВМРО-ДПМНЕ Делчево, Драган Христов претстои сценарио за оставка на Христијан Мицкоски преку вонредниот конгрес и поставување на Митко Јанчев за претседател на партијата.
„Христијан Мицкоски, кој одлучна застана во одбрана и против промена на името и расчистување со старите кадри контролирани од Сашо Мијалков и еднаш засекогаш да ја избрише дамката од минатото и да го врати угледот на партијата. Христијан Мицкоски застана против амнестијата за поранешното раководство и не прифати никаков компромис да преговара со цел да поддржи промена на уставното име. Сашо Мијалков преку овие 7 послушници, соработувајќи до СДСМ и други фактори за да го „спаси својот газ“ и своите бизниси директно влијаел на исходот кој се случи во Собранието. Симптоматично е што баш сите пратеници, вклучувајќи ги овие 7, до последен момент го уверувале Мицкоски дека нема да гласаат за договорот“, напиша Христов на својот фејсбук профил.
