Министерот за надворешни работи, Никола Димитров, денеска имаше проштална средба со амбасадорот на Руската Федерација, Олег Николаевич Шчербак, кој ја завршува својата дипломатска мисија во нашата земја.
„Димитров изрази надеж дека односите меѓу двете земји во иднина ќе се развиваат во духот на традиционалното пријателство и меѓусебно уважување. Притоа укажа дека Република Македонија, стратешки ориентирана кон евро-атланските интеграции, придава значење и на развивање на односите со Руската Федерација и е подготвена за интензивирање на соработката во сите области од заемен интерес“, соопшти Министерството за надворешни работи.
