Во дел од интервју за Мактел Лиле Поповска тврди дека кога решила да излезе од владината коалиција во 2015-та, Груевски ја уценувал со девет годишната казна затвор на нејзиниот зет за сестра!
Мактел: Зошто тогаш чекавте толку долго да излезете од владата на Груевски?
Лиле Поповска: Затоа што бев уценета на најподол можен начин.
Мактел: Со што уценета?
Лиле Поповска: Јас долго време верував дека ВМРО ДПМНЕ е патриотска партија, тврдам дека од 2006-та до 2010-та владата работеше феноменално, но потоа почна да забегува, кога почнавме да увидуваме дека работите веќе не течат во правилна насока, почнавме полека да се дистанцираме, па така во 2013-та решивме на локалните да одиме сами, и полека во 2014-та донесовме одлука на изборите да одиме сами и на парламентарните, но тогаш добив уцена со тоа што ни направија судско-полициска местенка и ни уапсија пола раководство на партија меѓу кои и мојот зет за сестра Перо Јосифов и ги пикнаа во притвор за комичен монтиран случај од кој им се закануваше затвор од десетина години на секој од нив. Верувам сега кога ќе си го вратам филмот дека Груевски и Сашо ни ги слушале телефоните и дознале дека планираме да ја напуштиме коалицијата и испланирале начин како да не држат во владата преку тоа што ќе ни уапсат пола раководство на партија и ќе ни ги пикнат во притвор и тоа во најлошото одделение во Шутка. Мислам дека овие 3-4 години остарев за 10 години, нагло ослабев и си го изгубив здравјето од стрес за тоа низ што поминаа моите сопартијци и мојата снаа и зет.
