Во Кина почнува тековната една недела празници околу доаѓањето на кинеската Нова Година, па 6,5 милиони туристи се очекува да ги поминат овие денови во странство, каде што ќе потрошат милијарди долари, според податоците на кинеската Агенција за туризам и туристичката интернет страна „Ctrip“.
Бројот на туристите оваа година се зголеми за 5,7%, во споредба со 6,15 милиони во истиот период во 2017-та година.
Секој турист се очекува да потроши во просек 9.500 кинески јуани (околу 1.500 долари) за време на своето патување, што значи речиси 10 милијарди долари вкупно од сите овие меѓународни туристи само за недела.
Просекот е околу 5 отсто повисок од минатата година, според кинеската Агенција за туризам и туристичката веб-страница на „Ctrip“.
Туристите ќе потрошат од илјадници јуани во некои југоисточни азиски држави до 160.000 јуани (25.200 долари) на Антарктикот, кој е популарна дестинација меѓу богатите Кинези.
Водечките дестинации за кинески туристи се Тајланд, Јапонија, Сингапур и САД.
Откажувањето на Јужна Кореја од прво место како најпосакувана дестинација е во корист на другите држави, напиша „CNBC“.
Сингапур објави дека за прв пат во историјата, Кина стана водечки пазар за бројот на посетители од таа земја. Кинезите исто така се странски туристи кои трошат најмногу пари во Сингапур.
Меѓутоа, во Пекинг тие не се особено задоволни од новите вести за насилното однесување на некои кинески туристи во странство.
Минатата недела властите ги потсетија кинеските патници што патувале во странство да бидат цивилизирани.
Кинеските туристи добија инструкции да „ги почитуваат локалните закони и редот, да се однесуваат соодветно и да бидат љубезни со другите“.
Туристите исто така беа потсетени да избегнуваат графитите. Досега, имало случаи на кинески туристи кои ги обележуваат античките урнатини, вклучувајќи го и египетскиот храм од пред 3.500 години, што предизвикало незадоволство дури и во Кина.
Земјата, исто така, издаде упатства за патување до Антарктикот, а нивното кршење ќе резултира со забрана до три години за посети на регионот.
