Поранешниот пратеник од редовите на СДСМ, Стојко Пауновски, е назначен за директор на Државниот пазарен инспекторат на денешната 48. владина седница.
Во делот на кадровските решенија и именувања Владата денеска го назначи Ејуп Јахја за директор на Државниот инспекторат за шумарство и ловство, а Сеад Садуковски беше именуван за директор на Државниот инспекторат за локална самоуправа.
Од владината прес-служба соопштија дека генералниот секретар на Владата, Драги Рашковски, бил заменет од позицијата владин претставник на акционерското собрание на „Телеком“, а на неговото место била назначена Тања Чачарова-Илиевска, советник за правда во канцеларијата на претседателот на Владата на Република Македонија.
