Skip to main content
Свет

„Фигаро“ ја повлече веста дека Франција и Велика Британија и дозволиле на Украина да нападне длабоко на територијата на Русија

18/11/2024  12:27

Францускиот весник „Фигаро“ денеска ја повлече веста дека Франција и Велика Британија и дозволиле на Украина да нападне длабоко на територијата на Русија.

Во ажурираниот текст се објаснува за какви ракети станува збор. Според „Њујорк Тајмс“, западни агенции и некои други медиуми, администрацијата на претседателот во заминување Џозеф Бајден вчера и одобриле на Украина да користи крстаречки ракети со долг дострел ATAЦMС за да напаѓа длабоко во руска територија. Таа одлука беше критикувана од администрацијата на новоизбраниот американски претседател Доналд Трамп, со оценка дека Бајден сака да ескалира конфликти.