Осуденик кој бегал од издржување на затворска казна бил уапсен утрово во Тетово. Според полицијата, околу 6.30 часот полициски службеници на СВР Тетово на улицата Страшо Пинџур, со судска наредба го лишиле од слобода А.К.(34) од село Порој. Тој бил осуден на затворска казна од 3 години и 6 месеци за кривично дело недозволено изработување, држење и тргување со оружје или распрскувачки материи.
Бегалецот бил предаден во КПУ „Идризово“ во Скопје за издржување на казната.
