Skip to main content
Македонија

Сончево со мала до умерена локална облачност, претпладне магла по одделни котлини

27/11/2024  07:30

Претпладне по одделни котлини ќе има појава на магла, а преку денот ќе биде сончево со мала до умерена локална облачност. Долж Повардарието ќе дува слаб до умерен северен ветер.

Во Скопје, претпладне во делови од котлината ќе има појава на магла, а преку денот ќе биде сончево со мала до умерена облачност. Минималната температура ќе се спушти до -2, а максималната ќе достигне 10 степени.

Според прогнозата на УХМР, до петок ќе се задржи стабилно и тивко време, по одделни котлини со појава на магла и пониски дневни температури.

– Од петок кон крајот на денот и за време на викендот под влијание на влажна и студена воздушна маса времето ќе биде претежно облачно со повремени врнежи од дожд, а на планините од снег. Врнежите наместа ќе бидат пообилни и ќе преминат во снег и во повисоките места, информира Управата за хидрометеорлошки работи.