Skip to main content
Македонија

ОД ОВОЈ ПЕТОК НИ ДОАЃА ЛАДНИОТ ЦИКЛОН: Ќе ни донесе многу дожд, снег и голема снежна покривка!

27/11/2024  10:35

Метео анализа на Славчо Попоски:

Повремено снежната граница ќе се спушта  и нешто пониско (под 1000 метри надморска височина), па повремено врнежи од снег, претежно влажен снег ќе има  и во повеќето градови, особено во северните  и во западните предели од државава. Има поголеми услови за формирање на снежна покривка и во градовите, особено во претходно споменатите предели од државава.

Што се однесува до Скопскиот регион, во истиот тој период ќе има врнежи од дожд, додека на околните планини, а повремено и во повисоките предели од котлината ќе има врнежи од снег, каде секако очекуваме формирање на снежна покривка. Не се исклучува можноста локално снег да провее  и во ниските предели од котлината.

Сето ова ќе биде проследено и со ветер од северен и од североисточен правец, кој повремено ќе засилува на интензитет.

Температурите овие два дена остануваат без промени, а од петок доцна попладне и навечер, како и за време на викендот значително ќе опаднат и максималните дневни температури ќе се искачуваат во интервалот од 1 до 8 степени, додека наутро тие ќе се спуштаат во интервалот од -3 до 5 степени.