Skip to main content
Македонија

Натпревар по математика за средношколци UltiMATH

30/11/2024  09:20

Натпревар по математика за средношколци во земјава, насловен UltiMATH ќе се одржи денеска, во Ист Гејт Мол во Скопје. Според органзиаторите, UltiMATH е најголемиот годишен натпревар кој ќе ги награди најдобрите математичари во земјава и чија цел е да ги инспирира младите кон кариера во математика, технологија и наука.

Најдобриот математичар ќе ја освои главната награда од 10,000 евра, што претставува највисока награда за ваков тип натпревар во регионот. Покрај паричната награда, победникот ќе добие и 100-процентна стипендија за студирање на Бреинстер НЕКСТ факултетот.

Вредни награди ќе има за најдобрите десет учесници – сертификати, стипендии и ваучери за Бреинстер НЕКСТ факултетот и NU Колеџот за средношколци, посочуваат од Едукативно-образовниот центар Бреинстер.