Search

Знаци кои покажуваат дека се соочувате со голем стрес

Освен ако не сте најведрата и лабава личност, големи се шансите да сте под стрес барем во некои делови од денот или неделата.

Живееме во брзо време, во кое постојано се бориме со рокови, одговорности и милион обврски. Некогаш можеме да влијаеме на тоа да се опуштиме по работа, но често стресот е дел од целиот наш ден.

Стресот има лоша репутација, но некогаш има моќ да нè натера конечно да завршиме нешто, а во одредени ситуации може и да ни го спаси животот. Сепак, постојаното живеење во стрес има големи негативни последици врз нашето здравје, а во тоа големо влијание има кортизолот, кој е познат како хормон на стресот.

Кортизолот е хормон кој ги покачува крвниот притисок и пулсот, а кога долго време е дел од нашиот живот може да предизвика сериозно нарушување на нашето здравје. Тој негативно влијае на нашиот имунолошки систем, расположение и енергија во текот на денот, ја намалува чувствителноста на инсулин и може да предизвика депресија и анксиозност, па и предвремено стареење.

Ова се неколку знаци по кои можете да забележите дека нивоата на стрес во вашето тело се високи и дека тоа е знак дека треба да преземете ништо

Чувство на замор, но неможност да одморите

Доколку чувствувате дека сте преморени, а не можете да заспиете или да се опуштите дури ни со физичка активност или лежење, тоа значи дека нивото на кортизол во вашето тело е високо. Според многу доктори, нивоата на кортизол се највисоки околу полноќ, па тоа е период кога највеќе ќе го чувствувате тоа. Како резултат на тоа, се будите ненаспани, преморени што понатаму дополнително го зголемува кортизолот. Најдобриот лек за ова е намалување на обврските и подолго време за одмор, но и балансирана исхрана.

Неможност да се фокусирате

Доколку се соочувате со неможност да се фокусирате или концентрирате дури и за наједноставни задачи, тоа значи дека вашето ниво на кортизол е високо. Тоа е бидејќи кортизолот го погодува префронталниот кортекс, односно делот од вашиот мозок кој е одговорен за когнитивните функции како донесување одлуки и концентрација.

Чувство како постојано да ќе избувнете

Го знаете она чувство како постојано да мислите дека ќе избувнете поради нешто, но не знаете точно зошто? Тоа е поради високиот кортизол. Високите нивоа на кортизол се сигнал дека вашето тело е во состојба на борба.

Опаѓање на косата

Доколку се соочувате со пад на косата, тоа можеби е индикатор дека нивоата на кортизол во вашето тело се високи. Тоа е поради тоа што кортизолот го зголемува лачењето на себум, а претераното лачење на себум влијае на опаѓањето на косата.

Висок крвен притисок

Уште еден знак за високото ниво на кортизол е и високиот крвен притисок. Тогаш се забрзува крвотокот, расте пулсот и се зголемува крвниот притисок. Ова е причина зошто хроничните нивоа на стрес водат кон многу срцеви заболувања.

Треба да знаете
Последни објави