Skip to main content
Свет

Американски медиуми: Се очекува специјалниот советник Џек Смит да ги прекине истрагите против Трамп и да поднесе оставка

14/11/2024  10:48

Американскиот специјален обвинител Џек Смит, кој води два случаи против новоизбраниот претседател на САД, Доналд Трамп, се очекува да ги прекине истрагите и да поднесе оставка пред идниот претседател да го разреши, пренесоа американските медиуми, јави ДПА.

Практиката на американското Министерство за правда е да не ги истражува актуелните претседатели, посочува ДПА. Обемот на таа практика неодамна беше проширен со одлука на Врховниот суд.

Смит побара од судот во Флорида да му даде рок до 2 декември да ги разгледа „околностите без преседан“, објавија Политико и Фокс Њуз, повикувајќи се на судски документи.

Трамп беше обвинет во Флорида за наводно незаконско задржување доверливи документи по завршувањето на неговиот мандат и попречување на истрагите. Во јули, Смит побара повторно судење откако судијата претходно го одложи. Дури и пред реизборот на Трамп минатата недела, не беше јасно како ќе продолжи случајот.

Трамп, исто така, беше обвинет во Вашингтон за обид за изборна измама, како и за неговата улога во упадот на Капитол на 6 јануари 2021 година. Смит мора да го информира тамошниот суд до 2 декември како има намера да постапи и во овој случај.