Skip to main content
Македонија

Александар веднаш рекол „Ако е Вања убиена, ќе се убијам и јас“ – сведочеше близок роднина на семејството

18/10/2024  13:33

Вториот сведок на денешното рочиште за убиствата на Вања и на Панче беше Митре Лазаров, чичко на Зорица, мајката на Вања.

„Ми се јави Зорица ми кажа дека Вања ја нема. Ми кажа дека телефонот покажува дека е во близина на Силбо. Јас тука живеам, веднаш излегов со велосипедот. Дојде и полицаец заедно со Александар. Ако е убиена Вања ќе се убијам и јас, ми рече таткото на Вања. Ми беше сомнителен. Му реков „земи утепај се ти“. Не излезе од колата додека баравме. Потоа дури и си замина, а јас продолжив да барам, сведочеше вознемирено Лазаров

Обвинителка: Зорица од кога живееше во тој стан?

„Летото, таа го реновираше тогаш. Од една соба направивме две за децата“, рече Митре Лазаров.

Обвинителка: Тој стан беше на Зорица?

„Јас така знам. Беше на брат ми, па ѝ го препиша на Зорица“, рече Митре Лазаров.

Со неговото сведочење заврши денешното судско рочиште, а следното продолжува на 13 ноември.