Skip to main content
Свет

ХРВ: Принудното раселување на населението од Појасот Газа е воено злосторство

14/11/2024  09:37

Организацијата за заштита на човековите права „Хјуман рајтс воч“ (Human Rights Watch) во новиот извештај наведува дека наредбите на израелската армија за евакуација од Појасот Газа, кои доведуваат до принудно раселување на населението, претставуваат воено злосторство.

Израелските власти ги повикуваат жителите да се евакуираат поради воени операции, нагласувајќи дека на овој начин придонесуваат за заштита на цивилите.

Обединетите нации проценија дека во октомври имало 1,9 милиони раселени жители на Појасот Газа. Вкупно, на таа територија на почетокот на војната меѓу Израел и Хамас имало околу 2,4 милиони жители.