Skip to main content
Свет

Такер Карлсон повторно во Москва, го интервјуираше Лавров

04/12/2024  11:35

Такер Карлсон повторно е во Москва. Конзервативниот американски коментатор и поранешен водител на Fox News доцна синоќа на X објави дека се вратил во Русија за да го интервјуира министерот за надворешни работи на земјата, Сергеј Лавров.

Сега тој вели дека ќе разговара со рускиот министер за надворешни работи за да ја расветли „руската перспектива“ за тековната војна со Украина. Да потсетиме, Русија во февруари 2022 година започна инвазија на соседна Украина.

Портпаролката на руското Министерство за надворешни работи, Марија Захарова, денеска изјави дека интервјуто било „обемно“ и дека траело „час и половина“ и опфаќало теми од „модерната, понова историја на тешките односи со САД, влијанието на сето ова врз светската геополитика и идната состојба на работите“.