Skip to main content
Магазин

Се уште контроверзниот филм „Рѓа“ со премиера во Полска

22/11/2024  12:00

Околу три години по трагичната смрт на кинематографката Халина Хачинс на снимањето на „’Рѓа“ (Rust), ​​кога Алек Болдвин несреќно ја застрела со вистински куршум, филмот ја доживеа својата премиера.

Инаку, мајката на Халина – Олга Соловеј, кoja e по потекло од Источна Европа, рече дека не присуствувала на премиерата бидејќи однесувањето на Болдвин по трагедијата ја продлабочило нејзината болка.

– Отсекогаш се надевав дека ќе ја видам работата на ќерка ми на големото платно во Полска. За жал, тоа ми беше одземено кога Алек Болдвин испука куршум и ја уби мојата ќерка, рече Соловеј во изјава за „Холивуд репортер“.

Семејството Хачинс, преку нивната адвокатка Глорија Олред, истакна дека Болдвин никогаш не контактирал со семејството за да се извини.

– Болдвин го испука куршумот што ја уби Халина, но никогаш не им се јави да каже дека му е жал, додаде Олред.

Алек Болдвин не беше присутен на премиерата. Ова лето, глумецот беше ослободен од обвиненијата за убиство од небрежност. Хана Гутјерез – одговорна за оружјето на снимањето, е осудена на 18 месеци затвор поради непрописно поставување на вистинскиот куршум што Болдвин го употребил за време на снимањето.