59-годишен прилепчанец вчера загина откако со своето возило излетал од коловозот на патот Прилеп-Крушево.
„На 06.11.2024, во 11:28 часот, во Полициската станица Прилеп беше пријавено дека на регионалниот пат Прилеп-Крушево, кај место познато како ‘Бегова ливада’, се случила трагична сообраќајна несреќа. Во инцидентот загинал возачот на патничкото возило ‘опел’, С.Т. (59) од Прилеп, кој излетал надвор од коловозот. Од здобиените повреди, С.Т. починал на местото на несреќата, а смртта била потврдена од страна на лекар од Итната медицинска помош“, велат од полицијата.
По настанот, на местото бил извршен увид од јавен обвинител и увидна екипа од ОВР Прилеп. Полицијата продолжува со истрагата за утврдување на причините за несреќата.
