Под мотото „Благостојбата кај лицата со Дијабетес – создаваме дијабетес култура“ како носечка порака на Меѓународната Дијабетес Федерација, денеска Сојузот на здруженија на дијабетичари на Македонија (СЗДСМ) ќе го одбележи Светскиот ден на дијабетесот.
Согласно нашата мисија, како што соопштија од СЗДСМ, како мрежна организација на локалните здруженија на лицата со дијабетес, која се застапува за здравствени политики усогласени со ЕУ стандардите и користење на најнови иновативни технолошки достигнувања и терапија за третман на лицата со дијабетес, како и создавање на поттикнувачка дијабетес култура, од овој концепт очекуваат да се дефинираат активности кои ќе иницираат соработка со јавните здравствени институции на партнерско ниво, соработка со здравствените власти на национално и локално ниво, соработка со образовните установи и приватниот сектор, како и нивно меѓусебно вмрежување.
На свечената церемонија, најавено е, да се презентираат клучните активности кои ги реализиравме за имплеменатција на Националната програма за дијабетес, а се очекува да бидат потпишани Меморандуми за соработка со здруженијата на кардиолози, нефролози, општи и семејлни лекари на Македонија.
Ова одбележување ќе биде заокружено со промоција на ново издание на книгата со наслов „Да се храниме и готвиме здраво“ комплетен водич со практични совети и рецепти за здрава исхрана, од м-р по нутриоцинизам науки Везире Старова.
