Поранешниот министер Крешник Бектеши од Демократската унија за интеграција (ДУИ) на денешната прес-конференција истакна дека ги осудува индивидуалните акти што вчера ги направија одредени граѓани со палењето на македонското знаме на чествувањето на Денот на албанското знаме.
Според него најодговорна за ваквите случувања е Владата. Тој нагласи дека пред да се случат овие настани имало забрана од Министерството за внатрешни работи граѓаните да чествуваат на одредени плоштади во државата, што, како што рече не е случај ниту во европските држави, ниту во САД. Додаде дека имало реакција од негова страна преку социјалните мрежи и од страна на организацискиот секретар Блерим Беџети.
На граѓаните кои славеа за Денот на албанското знаме им беше забрането да слават во плоштадот во Скопје и во Куманово, што е спротивно на се што може една држава да направи за своите граѓани.
Тој нагласи дека взаемно треба да се осудуваат ваквите настанит, а не, како што рече, само на одредена етничка заедница.
-Но взаемно треба да ги осудуваме, и актите што ги прави одредена заедница и другата етничка заедница. Заради тоа што имаше акти не само од албанската етничка заедница и веќе се објавени сите видеа по социјалните мрежи. Меѓуетничките односи се од круцијално значење во нашата држава и ДУИ во континуитет повторува и ги повикува сите чинители, посебно политичките чинители да даваат позитивни пораки во делот меѓуетничките односи во нашата држава.
„А зошто зачестуваат вакви настани кога во последните 7-10 години не сме имале такви настани. Сме имале стабилни меѓуетнички односи во нашата држава“, рече тој.
