Актерката Зое Салдања влезе во историјата како првата Американка со доминиканско потекло која го освои престижниот Оскар, освојувајќи ја во категоријата за најдобра споредна женска улога за нејзината улога во филмот „Емилија Перез“.
На 97-то доделување на Оскарите, Салдања доби награда за нејзината улога во криминалниот мјузикл „Емилија Перез“, во кој ја игра адвокатката на водач на картел. Наградата им ја посвети на филмските колеги, филмската екипа и нејзината баба.
Во нејзиниот емотивен говор, Салдања рече: „Не можам да верувам… Благодарам на Академијата што ја препозна тивката храброст и сила на жена како Рита. А кога зборуваме за силни жени, Жак, ти си едно од најскапоцените суштества во мојот живот. Ти благодарам што покажа интерес, што си толку љубопитен за овие жени и нивните приказни“.
„До моите колеги од филмот Емилија Перез и целата екипа – ја делам оваа награда со вас“, рече таа, а потоа му се заблагодари на своето семејство: „Мама, тато, сестрите – сè што сум направила храбро, смело и добро во животот е поради вас“. Таа особено го пофали својот сопруг Марко Перего-Салдања, нагласувајќи дека и е најголема чест во животот да го има за партнер.
