Босанската полиција заплени над 100 килограми дрога и уапси едно лице во акцијата „Такси“, објави државната телевизија БХРТ.
При претресот се пронајдени над два килограма кокаин, четири килограми амфетамин, 80 килограми марихуана, 26,000 таблети екстази и 30 литри течен амфетамин.
Освен дрога, запленети се и две пушки, пет пиштоли, два пригушувачи и над 400 парчиња муниција.
Пазарната вредност на запленетата дрога се проценува на над еден милион конвертибилни марки (околу 500,000 евра).
Уапсен е таксистот Харис Мујчиновиќ од Сараево, кој се сомничи за нелегално производство и трговија со наркотици, како и за нелегално поседување оружје и експлозивни материјали, објави порталот Кликс.
