Скопската Бригада за противпожарна заштита (БППЗ) денеска рано наутро имала поголема интервенција во подземна гаража од станбена зграда во населбата Хиподром во Општина Хиподром, каде што во пожар биле зафатени два автомобили и еден мотоцикл.
„Денеска (14.07.2025) во 04:25 часот во СВР Скопје било пријавено дека во населба Хиподром, скопско, настанал пожар во гаражен простор во склоп на зграда, во кој биле зафатени патничко возило ‘мерцедес’, патничко возило ‘бе-ем-ве’ и мотоцикл ‘беверли’, сите со скопски регистарски ознаки и сите сопственост на А.С. (32) од Скопје. Од екипа на Бригадата за противпожарна заштита Скопје пожарот бил изгаснат“ се вели во информацијата од Министерството за внатрешни работи.
Оттаму додаваат дека на една жена од станарите ѝ била дадена лекарска помош поради вдишување чад.
