На игралиштето во Шуто Оризари, кое веќе со месеци е претворено во мини депонија, избил пожар. Жителите алармираат дека токму на тој простор секој викенд се организира т.н. „бувљак пазар“, а на само неколку метри подолу денеска избувнал огaн.
Тие остро реагираат дека при согорувањето на отпадот се испуштаат отровни материи во воздухот, со што се загрозува здравјето на населението. Локалците потсетуваат дека повеќе пати се жалеле за несовесното управување со отпадот и ненавременото негово собирање, но досега институциите не презеле конкретни мерки, објави Скопје1.
