
Трагедијата во дискотеката Пулс во Кочани ја погоди не само Македонија, туку и земјите од опкружувањето.
Уште следниот ден, па се од денот на погребот, во Кочани присуствуваа бројни медиумски екипи како на македонски, тага и на регионални, но и светски медиумски куќи.
За оваа незапамтена трагедија известија сите светски медиуми, а дел од националните јавни сервиси на државите од опкружувањето снимија и цели документарци.
Орв од нив бепе документарецот на Хрватската радио и телевизија, по наслов „Прекината младост“ каде зборуваа луѓе од Кочани, но и екперти од областа на граѓанскиот сектор, медиумите и граежништвото.
Под наслов „ДНК на трагедијата“ документарец сними и емитуваше и бугарскиот јавен сервис БТВ.
Документарец сними и српската кабелска телевизија Инсајдер ТВ каде со свои ставови се појавија професори, лекари и граѓани.
Иако трагедијата се случи на македонска теритроија, јавниот сервис МТВ досега не продуцираше ниту еден документарen филм, ниту една специјализирана емисија посветена на Кочани.
Известувањето на МТВ главно се сведуваше на прилози во Дневникот и вестите, нешто што по поравило го прават сите медиуми (вклучително и порталите кои дополнително се вклучуваа и во живо на Јутјуб и социјалните мрежи).
Но сепак мора да се потенцира дека МТВ има далеку повеќе ресурси од сите националните телевизии (и сите портали заедно).
Според извештајот на Агенцијата за аудио и аудиовизуелни медиумски услуги, во 2023 година во МТВ биле вработени 240 новинари (во сите програмски сервиси) додека во реализација (сниматели, монтажери, тонци и сл) биле вработени 214 лица.
Иако во последните години сериозно се инвестира во јавниот сервис, сепак МТВ и денес е премногу далеку од јавните сервиси на Бугарија, Србија, Хрватска…