Управата за хидрометеоролошки работи (УХМР) известува дека вечерва и во текот на ноќта се очекуваат врнежи од дожд на целата територија на земјата, при што во одредени делови врнежите ќе бидат пообилни и со интензивен карактер. Воглавно коритата на реките не се исполнети со вода и имаат простор за примање на новите врнежи, но се очекува зголемување на водостојот на сите реки низ земјава.
Најпрвин во западните, а во текот на ноќта и во другите подрачја процесите ќе бидат поинтензивни во форма на невреме со пообилен пороен дожд (локално над 30 л/м2), појава на грмежи и силен ветер.
Во делови од котлината ќе има услови за појава на краткотрајно невреме со грмежи и засилен ветер.
