Во најновата епизода на емисијата „Планетите зборуваат“, астрологот Наташа Јанковска зборуваше за значењето на транзитниот Јупитер, кој од 11 март повторно се движи директно по неколкумесечно ретроградно движење.
Според неа, Јупитер е една од најбенефичните планети во астрологијата и се поврзува со мудроста, среќата, благосостојбата и духовниот раст. Оваа планета исто така се поврзува со високото образование, странството, новите знаења и поширокото разбирање на животот.
Јанковска објаснува дека од јуни 2025 година Јупитер транзитира низ знакот Рак, што отвора теми поврзани со домот, семејството, емоциите и меѓучовечките односи. Ракот, како знак, ја симболизира потребата за сигурност, топлина и блискост, како и начинот на кој луѓето се поврзуваат со своите најблиски.
„Јупитер во Рак ги отвора прашањата поврзани со семејството, домот и емоционалната стабилност. Тој ни покажува како да најдеме поголема смисла и радост во овие области од животот“, истакна Јанковска.
Таа потенцира дека влијанието на оваа планета не е исто за сите луѓе, бидејќи секој има различна натална карта. Поради тоа, за прецизно толкување потребна е индивидуална анализа на позициите на планетите и нивните аспекти.
Во емисијата беше нагласено дека објаснувањата за влијанието на Јупитер се од општ карактер и се однесуваат на основните астролошки тенденции. Вистинското влијание на транзитот, како што појасни астрологот, зависи од тоа низ која натална куќа поминува Јупитер и како е поставен во личниот хороскоп на секој поединец.
