Метео анализа на Славчо Попоски:
Под влијание на циклонска активност со центар над Џенова, во нашата Република Македонија следува период на променливо облачно време со повремени врнежи од дожд и тие повремено ќе бидат обилни и поројни и проследени со локална појава на грмежи и со засилен ветер од југоисточен правец. Локално ќе наврне позначително количество на воден талог (над 20/25 литри на метар квадратен дожд).
И во Скопје и околината следува период на променливо време со повремени врнежи од дожд и тие повремено ќе бидат обилни и поројни и со услови за појава на грмежи и со засилен ветер од југоисточен правец.
Во исто време од исток и од северосток кон нашата Република Македонија ќе продира значително поладен воздух и истиот ќе услови температурите да опаднат за околу или дури и за повеќе од 10 степени во споредба од оние температури кои ги имаевме во изминатите денови. Наутро минималните температури ќе се спуштаат во интервалот од 5 до 14 степени.
Максималните дневни температури ќе се искачуваат во интервалот од 13 до 20 степени. Во Скопје и околината температурата ќе се искачува до околу 16/17 степени.
Ладно време за самиот крај на септември и за почетокот на октомври месец ќе имаме следната седмица со потпросечни температури на воздухот. По се изгледа дека планините во регионот и во нашата Македонија во текот на следната седмица ќе ги добијат и првите врнежи од снег за оваа сезона.
