Дејана Бачко, позната на јавноста како „Девојката со крилја“, повторно сподели радосна вест со своите следбеници. Популарната сликарка и шампионка во паратеквондо објави дека таа и нејзиниот партнер Марко Нежиќ го очекуваат своето второ дете.
Веста ја откри преку Инстаграм, каде објави фотографија од ултразвукот со емотивен опис: „Нови бои влегуваат во нашите животи“, напиша таа, предизвикувајќи лавина од честитки и позитивни реакции.
Дејана, која е родена без раце, со години инспирира илјадници луѓе ширум регионот со својата животна приказна, упорност и позитивна енергија. Покрај уметноста, таа е успешна спортистка во паратеквондо, а се занимава и со стреличарство, докажувајќи дека границите постојат само во мислите.
Таа и Марко во 2023 година ја добија ќерката Лара, а од тогаш Дејана често споделува моменти од мајчинството. Неодамна ги воодушеви следбениците со емотивно видео на кое ја успива малата Лара, уште еднаш покажувајќи колку љубов и сила носи нејзината приказна.
Со речиси 200.000 следбеници на Инстаграм, Дејана продолжува да биде симбол на храброст, мотивација и доказ дека ништо не е невозможно.
А сега нивното семејство наскоро ќе стане побогато за уште еден член.
